Janubiy Koreyada amaliyot o‘tayotgan UEnter hamkorlari va startaplar vakillaridan iborat delegatsiya Koreya “kremniy vodiysi”ga (Pangyo Techno Valley) tashrif buyurdi.

Tashrif davomida delegatsiya innovatsion hab faoliyati, uning tuzilmasi va laboratoriyalari, shuningdek, innovatsion startap loyihalarni qo‘llab-quvvatlash sohasida amalga oshirilayotgan ishlar bilan tanishdi.

Delegatsiya, shuningdek, Seul shahrining "startaplar ko'chasi" (Start Track)dagi bir qator yetakchi biznes-inkubatorlar va dunyoning yetakchi texnologik universitetlaridan biri KAIST (Korea Advanced Institute of Science & Technology)ga tashrif buyurdi. U yerda o'quv safari ishtirokchilari uchun startap ekotizimlari va venchur moliyalashtirishni rivojlantirishda Koreya tajribasi to'g'risida ma’ruzalar tashkil etildi.